Siç dhe paralajmëroi ditën e djeshme, Lefter Maliqi ka mbërritur në ambientet e Prolurorisë së Posaçme ku ka depozituar një memo drejtuar kreut të SPAK, Altin Dumanit dhe kallëzime për “grupin e strukturuar kriminal” në Bashkinë Kuçovë, drejtuar nga Kreshnik Hajdari.
Ai tha se kallëzimi do të bëhet për abuzime të rënda me paratë, pasuritë publike, dyshime për pastrim parash dhe fshehje të ardhurash jashtë.
Ndërkaq një ditë më parë Lefter Maliqi tha se: “SPAK, Nesër, ora 10:00, depozitojmë memo drejtuar Dumanit dhe kallëzime për “grupin e strukturuar kriminal” në Bashkinë Kuçovë, drejtuar nga K. Hajdari për abuzime të rënda me paratë, pasuritë publike, dyshime për pastrim parash dhe fshehje të ardhurash jashtë shtetit. Ftoj “SPAK” dhe “BKH”, të hetojnë me paanshmëri dhe jo me ndikim nga ‘Hajdarët’ e politikës dhe Drejtësisë te lidhur me Donët e Bablokut të Surrelit. Për me tepër shihemi nesër, ora 10:00, para SPAK-ut“.
