Salianji ka reaguar ashpër pas ngjarjes së rëndë në Dropull.
Në interpelancën me ministrin e Brendshëm Taulant Balla, deputeti Ervin Salianji është ndalur dhe në ngjarjet e ditëve të fundit në vend, duke përmendur dhe rastin e sotëm të çiftit të moshuar në Dropull të cilët ishin dhunuar për vdekje.
“Bashkëshorti i një ministreje i kërkon dorëheqjen dhe pasi nuk jep dorëheqjen punonjësi i ngul dy tre gozhda. Si mund të besohet Policia e Shtetit ku në mes të Tiranës ndërtohen 7 kate pa leje. Policia nuk i sheh në mes të qytetit, por po ndërtoi njeri në mes të fshatit ia merrni shpirtin dhe i çoni statistikat siç e keni çuar për dënimin e mijërave qytetarëve shqiptarë. Tragjike ngjarje e sotme në Dropull. Dy të moshuar kanë shenja dhunë. Ka vjedhje të i cilat shkojnë në vdekje. Është tmerr për qytetarët shqiptarë që nuk ka kontroll policia. Disa ditë më parë iu vendos tritol gjyqtarit në Shkodër, ngjarje që nuk ndodhin,. Keni ngjarje të pazbardhura që i citon raporti iu DASH”, tha Salianji.
- Ngjarja në Dropull:
Policia ka zbuluar disa detaje të reja nga ngjarja shokuese në Dropull ku një çift të moshuarish u dhunuan për vdekje në banesën e tyre.
Viktimat janë dy të moshuarit Kosta Ilia 84 vjeç dhe Kleoniqi Ilia 88 vjeçe, të cilët u gjetën të pajetë në banesë nga fqinjët.
Policia njofton se nga kqyrja e trupave janë konstatuar shenja dhune që dyshohet se u shkaktuan me mjete të forta rrethanore. Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive.
