Deputeti demokrat Asllan Dogjani ka kërkuar që kryeministri Edi Rama të jetë i pranishëm në seancën plenare, pasi ka disa kohë që nuk është pjesë e punimeve të Kuvendit.
Dogjani tha se Rama nuk duhet të harrojë se është deputet dhe ka detyrime para së gjithëve.
“Nuk kuptoj pse Rama injoron Parlamentin dhe nuk i përgjigjet thirrjeve të opozitës që ka kërkuar interpelancë. Ka kaq kohë që nuk vjen në Parlament. Nuk na ka marrë malli shumë për të, por duam të dimë sepse injoron Kuvendin. Jemi përfaqësues të popullit, kemi kërkesa. Dimë që është i zënë me probleme ndërkombëtare si Italia por mbase ka harruar që është kryeministër, ama mos të harrojë që është deputet”, tha Dogjani .
