Drejtori ekzekutiv i Bayern Munichut, Jan-Christian Dreesen, duke folur për Sky Sport Deutschland, konfirmoi largimin e trajnerit Thomas Tuchel në fund të sezonit.
“Para lamtumirës së Tuchel, ne të gjithë do të ishim të lumtur të fitonim Champions. Vendimi për ndarjen e rrugëve duhet të vlerësohet në dritën e kontekstit në të cilin është marrë. Situata në atë kohë ishte ndryshe nga ajo aktuale” – tha Dreesen.
Tuchel numëron 57 ndeshje në krye të Bayern, teksa deri më tani ekipi ka marrë mesatarisht 2.04 pikë për ndeshje. Më parë, “timonieri” ka udhëhequr PSG dhe Chelsea.
