Bayern Munich do të presë nesër në shtëpi Real Madrid në ndeshjen e vlefshme për gjysmëfinalen e Champions League.
Në prag të kësaj sfide ka folur edhe trajneri i bavarezëve, Thomas Tuchel.
50-vjeçari, ka bërë të qartë se lojtarët e tij janë gati për “luftën” që 14 herë kampionët e Evropës do të bëjnë kundër tyre.
“Të luash kundër Carlo sështë gjithmonë diçka e veçantë. Ne do të përpiqemi t’ia bëjmë sa më të vështirë jetën ekipit të tij. Ne kemi nevojë për tifozët në stadium. Është një ndeshje 50-50. Ne jemi gati për betejë.”
Tuchel shtoi: “Kur luan kundër Real Madridit, je gjithashtu kundër atmosferës, legjendës që i rrethon ata.
“Fokusi ynë do të jetë plotësisht te loja. Të gjithë presim një ndeshje të madhe.”
A do të shënojë Gnabri nesër?
“Do të ndodhë. Nesër ai do të shënojë.”
A do të kompensonte fitorja e nesërme një sezon negativ?
“Do të ishte një kënaqësi e madhe. Nëse do t’ia dilnim, do të ishim shumë të lumtur, një fitore do të ishte shumë e rëndësishme. Do të na jepte shumë besim, stafi, ekipi… Mundja e Arsenalit na dha shumë besim. Hapi tjetër është Real Madridi, ndaj kësaj skuadre në këtë kompeticion duam të konkurrojmë dhe të arrijmë në Wembley, që është qëllimi ynë dhe sepse duam të shkojmë në Wembley.”
