Policia e Mallakastrës ka arrestuar një të ri nga kryeqyteti, pasi qarkullonte me automjet, i armatosur me armë zjarri pistoletë.
Autoritetet policore raportojnë se në pranga është vënë shtetasi Albert Kodhelaj, 30 vjeç, banues në Tiranë. Ai është arrestuar pasi Policia e Mallakstrës kishte marrë informacione se ai lëvizte me armë në qytet dhe ngritën pika kontrolli duke e kapur.
“Gjatë kontrollit shërbimet e Policisë i gjetën atij dhe sekuestruan, në cilësinë e provës materiale, një armë zjarri pistoletë, me krehër me municion luftarak.” – thuhet në njoftimin e Policisë.
Materialet procedurale i kaluan Prokurorisë së Fierit për veprime të mëtejshme.
