Besëlidhja është skuadra e parë finaliste e play off-it në basketboll për meshkuj.
Lezhjanët mposhtën dje në mbrëmje në “Fahrie Hoti” 89-63 Tiranën kampione, duke eliminuar bardheblutë, duke fituar 2-0 me ndeshje. Një ndeshje e komanduar nga lezhjanët, që rikthehen në finale me shpresën për të fituar titullin e parë kampion në histori.
Në sfidën e mbrëmjes së djeshme, Besëlidhja ishte më konkretë, që udhëhoqën 49-37 pas përfundimit të pjesës së parë. Tirana nuk ka forcën e duhur për të rivalizuar dhe humbet ndjeshëm terren edhe në 20 minutat e dyta, duke gabuar shumë.
Ndërsa Besëlidhja luan e qetë dhe përfiton nga gabimet e kundështarit, duke merituar fitoren me 26 pikë diferencë, 89-63.
Hamati me 25 pikë e 13 rebound ishte shënuesi më i mirë për Besëlidhjen, një lojtar që vjet luante për bardheblutë. Për Tiranën, Davis realizoi 22 pikë, por që mbetën për statistikë.
Sot në orën 19:00, luhet gjysmëfinalja e dytë Vllaznia-Teuta, me durrsakët që udhëheqin 1-0 me ndeshje.
