Arrestohen tre persona të shpallur në kërkim për vepra të ndryshme penale në Tiranë.
Mësohet se një 21, 41 dhe 32-vjeçar janë arrestuar pasi Gjykata e Tiranës ka dënuar secilin me burg për veprat penale vjedhja dhe mashtrimi.
Me rastet e mësipërme do të merret Prokuroria e Tiranës.
Në zbatim të masave në kuadër të megaoperacionit “Sundimi i ligjit”, bazuar në informacionet e siguruara për vendndodhjen e disa shtetasve në kërkim, si rezultat i kontrolleve të ushtruara:
– U ndalua shtetasi në kërkim R. L., 21 vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 6 muaj burgim, për veprën penale “Vjedhja”;
– U ndalua shtetasi në kërkim A. L., 41 vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë e ka dënuar me 8 muaj burgim, për veprën penale “Mashtrimi”;
– U ndalua shtetasi në kërkim S. G., 32 vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë, i ka caktuar masën e sigurisë “Arrest në burg”, për veprën penale “Vjedhja”.
Materialet i kaluan Prokurorisë.
