Pas 6 orësh, ka mbyllur punimet Konventa Kombëtare e Partisë së Lirisë, ku u miratua statuti dhe 5 prioritetet si dhe u votuan kandidaturat për President dhe zv.President të kësaj force politike.
Meta i falenderoi të gjithë pesjëmarrësit dhe njoftoi se në orën 20:00 do të jenë te Rruga Mustafa Matohiti në protestën që zhvillohet poshtë banesës së ish-kryeministrit Sali Berisha, i cili ndodhet në arrest shtëpie që prej 30 dhejtorit të vitit 2023.
“Faleminderit të gjithëve, atyre që patën durimin të na ndjekim. Siç e patë asnjë sekondë kjo konventë nuk u mbyll për publikun, kush deshi të fliste foli, cili do që dëshironte të kandidonte, kandidoi. U lutem për fraksione, për fat të keq nuk patëm, shpresoj të kemi herën tjetër.
Nuk jam këtu për të shpallur rezultatet sepse i shpall Komisioni, por meqë vazhdoj ende të jem kryetari PL, meqë na erdhën këtu Bleind Këlliçi, Klevis Balliu dhe disa persona me bluza ‘Lironi liderin e burgosur ne e kemi për detyrim t’u kthejmë vizitën sot te bulevardi i shpresës në orën 8.
I ftoj të gjithë anëtarët dhe simpatizantët që ishin në këtë konventë të bashkohemi të Bulevardi i Shpresës në orën 8”, tha Meta.
LEXO EDHE:
