Tirana ka dalë nga Kupa e Shqipërisë dhe objektivi i saj i vetëm është “Final 4”. Skuadra ka përballë Partizanin në ndeshjen e javës 33-të të kampionatit. Bardheblutë janë të plotë dhe nuk kanë asnjë mungesë.
Për këtë sfidë, Klubi bardheblu ka nxjerr në shitje biletat për të gjithë tifozët e interesuar.
Për Tiranën qëllimi kryesor është vendi i katërt. Përveç Partizanit, Tirana do të luajë me Laçin, Vllazninë dhe Egnatian.
Postimi i plotë:
Të dielën rikthehemi në fushë për javën e 33-të të “Abissnet Superiore”, ku do të përballemi me Partizanin në stadiumin “Air Albania”.
Takimi do të nisë në orën 19:00, ndërkohë që ditën e sotme kanë dalë në shitje biletat e sfidës.
Biletat mund të blihen te pika e shitjes në biletarinë e stadiumit “Selman Stërmasi” dhe online në “t-ticket.al”.
Biletat do të shiten edhe në biletarinë e stadiumit “Air Albania”, ku do të bëhet një njoftim i dytë në momentin që nis shitja.
