Paris Saint-Germain mposhti me rezultatin 1-4 në transfertë skuadrën e Lorient, rezultat që mund të bëhet edhe shkaku që vulos matematikisht titullin kampion.
Skuadra e teknikut spanjoll, Luis Enriques diktoi ritmin në këtë përballje të cilën e fitoi falë dopietës së Dembele në minutat 19’-të dhe 60’-të dhe dygolëshit të Mbappe në minutat 22’-të dhe 90’-të, ndërsa për Lorient shënoi vetëm Bamba në minutë e 73’-të.
Në këtë përballje “iberiku” i pankinës, përveç Kylian Mbappe i dha minuta edhe vëllait të vogël, Ethan që u aktivizua rreth minutës së 73’-tës.
Pas javës së 29-të Lorient renditet në vend të 17-të me 26 pikë, ndërkohë PSG kryeson me 69 pikë, 14 pikë diferencë me vendin e dytë, Monaco.
Këta të fundit, që prej orës 21:00 po luajnë kundër Lille (0-0) dhe nëse nuk ia dalin të marrin 3 pikët, atëherë Paris Saint-Germain shpallet matematikisht kampion i Francës.
