Ajo që nisi si sherr përfundoi në përplasje fizike mes dy turisteve të huaja në Vlorë.
Policia njofton se një 60 vjeçare gjermane ka shtyrë nga shkallët një 54 vjeçare amerikane e cila përfundoi në spital jashtë rrezikut për jetën.
“Referoi materialet në Prokurori, ku nisi procedimi penal për shtetasen gjermane E. H., 60 vjeçe, për veprën penale “Dëmtime të tjera me dashje”, pasi dyshohet se ditën e djeshme, pas një konflikti për motive të dobëta, ka shtyrë nga shkallët, shtetasen amerikane T. P., 54 vjeçe, e cila ndodhet në spital, jashtë rrezikut për jetën. Shtetasja E. H., me sëmundje mendore, vijon të marrë trajtim mjekësor në spitalin psikiatrik të Vlorës”, njofton policia.
