E rëndë/ Dy helikopterë të marinës përplasen në qiell, humbin jetën 10 persona

Një aksident i rëndë ajror raportohet të ketë ndodhur në Malajzi, ku dy helikopterë të marinës janë përplasur, dhe si pasojë kanë humbur jetën 10 persona.

Sipas BBC, njëri prej helikopterëve preu rotorin e tjetrit përpara se të dy të përplaseshin në tokë.

Incidenti ndodhi në orën 09:30 me kohën lokale në Lumut, i cili është shtëpia e një baze marine. Nuk dihet nëse ka persona të mbijetuar.

Një nga helikopterët, një HOM M503-3 me 7 persona në bord, u rrëzua në një pistë vrapimi. Tjetri, një Fennec M502-6 me 3 të tjerët, u përplas në një pishinë aty pranë.