Tetë policë malazezë të doganës Bozhaj-Hani i Hotit, janë arrestuar këtë të martë pasi dyshohen për marrje rRyshfeti.
Mediat vendase shkruajnë se në pranga kanë rënë përkatësisht: Nikola Janiçiç, Zoran Radonjiç, Igor Zhivkoviç, Enver Dresaj, Momo Popivoda, Ivan Boljeviç, Vaso Radunoviç dhe Dragoman Millosheviç.
“Në rastin që po procedohet në këtë prokurori për veprën penale të marrjes së ryshfetit, Prokuroria Themelore e Shtetit në Podgoricë ka lëshuar urdhër Ministrisë së Punëve të Brendshme – Departamenti për Kontroll të Brendshëm të Policisë që tetë zyrtarë policorë t’i privojë nga Sektori i Policisë Kufitare (JN, RZ, Ž.I., ED, PM, BI, RV dhe MD)”, thuhet në njoftimin e ODT në Podgoricë.
Tetë policët kufitarë janë shoqëruar për veprime të mëtejshme proceduriale.
