Partizani po kalon një nga periudhat më të vështira të sezonit dhe për më tepër ky ngërç ndodh në sprintin final të sezonit të rregullt.
Të kuqtë nuk fitojnë prej katër javësh në kampionat, që përkthehen me një hapësirë kohore prej 40 ditësh.
Triumfi i fundit është ai i 10 marsit kundër Erzenit me shifrat 0-4.
Më pas “demat” janë mposhtur nga Teuta dhe Egnatia, si dhe kanë barazuar me Laçin dhe Vllazninë.
Ndeshja e radhës e Partizanit është ajo ndaj Dinamos. Derbi do të luhet sot në orën 18:00 dhe është e rëndësishme për shanset e skuadrave për të siguruar një vend në “Final Four”.
