Ernest Muçi ka gjetur sërish golin me fanellën e Beshiktashit në Turqi. Mesfushori i kombëtares shqiptare ka kaluar ekipin e tij në avntazh në përballjen me Ankaragucu, e vlefshme për javën e 33-të të kampionatit turk.
23-vjeçari realizoi një gol fantastik me një goditje me të majtën në minutën e 18-të, duke lënë portierin kundlrshtar të shtangur dhe duke ndezur festën në shkallët e stadiumit.
Ky është goli i tretë për Muçin me fanellën e Besiktas, që kur u transferua gjatë merkatos së dimrit për shifrën e 10 milionë eurove. Sulmuesi është përshtatur mjaft mirë dhe po e ndihmon jo pak skuadrën e tij.
Besiktas kërkon pjesëmarrjen në Europë, për të shpëtuar një sezon që nuk ka shkuar mirë, teksa deri më tani ka grumbulluar 48 pikë, duke u pozicionuar në vendin e katërt me 4 pikë më pak se Trabzonspor i vendit të tretë.
