Bayern Munich ka arritur të kalojë në fazën gjysmëfinale të Champions League, duke mposhtur Arsenal me rezultatin minimal 1-0.
Autori i vetëm i këtij goli ishte ylli gjerman, Joshua Kimmich. Në minutën e 63′, Guerriero asistoi për mesfushorin gjerman dhe ky i fundit ndëshkoi Arsenal.
Rezultati i përgjithshëm i kësaj sfide ishte 3-2 për gjermanët, duke bërë që Bayern Munich të jetë në gjysmëfinale të Champions League.
Hera e fundit që bavarezët ishin në këtë fazë të kompeticionit ishte në sezonin 2019-2020, ndërsa në tre vitet e fundit rrugëtimi i tyre ishte ndërprerë në çerekfinale.
Në takimin tjetër nuk ka fitues në 90 minuta mes Manchester City dhe Real Madrid. Koha e rregullt është mbyllur në rezultatin e barabartë 1-1.
Të parët që shënuan ishin spanjollët, me Rodrygo i cili shënoi në minutën e 12′ të pjesës së parë.
Në fragmentin e dytë, City ishte ai që solli baraspeshën me anë të De Bruyne në minutën e 76′, duke e çuar kështu ndeshjen në shtesa.
Tashmë po luhen kohët shtesë, dhe nëse nuk ka ende një fitues, skuadrat do të drejtohen drejt 11 metërshave për të përcaktuar gjysmëfinalistin e fundit.
