Ish-kryetarja e LSI-së, aktualisht deputete e Partisë së Lirisë, Monika Kryemadhi ka reaguar pas akuzave të Ilir Metës se partia e drejtuar prej saj ishte mbushur me lidhje nepotike dhe me tradhtare.
Në një reagim në llogarinë e saj në Facebook, Kryemadhi flet për “protagonizëm bosh” dhe thekson se këto qëndrime po heqin fokusin nga denoncimet që ajo ka bërë për inceneratorët.
Kryemadhi shprehet se shqiptarët presin nga opozita propozime konkrete për të rritur mirëqënien dhe shton më tej se filmat e vjetër me të njejtin përfundim janë pa interes.
“Shfokusimi nga INCENERATORËT që unë kam kallëzuar me përgjegjësinë e firmës time dhe protagonizmi BOSH janë sot shërbimi më i mirë që mund ti bësh Edi Ramës, Erion Veliaj & Bandës së tyre.
Denoncimi me fakte, prova dhe firmë konkrete kundër bandës në qeveri dhe bashki; këto janë tema kryesore që mendoj se duhet të udhëheqin aksionin opozitar.
Gjithashtu, unë besoj se shqiptarët presin nga Opozita ide, vizion dhe propozime konkrete, që ngjallin shpresë dhe besim për popullin shqiptar. Se si do të rrisim mirëqenien dhe sigurinë e tyre.
Filmat e vjetër me të njejtin përfundim janë pa interes për shumicën e shqiptarëve.”– thotë Monika Kryemadhi në reagimin e saj.
LEXO EDHE:
“Më solli patronazhistë”/ Akuzat e rënda të Metës për Dumanin kërkojnë përgjigje
