Kreu i Partisë Demokratike, Sali Berisha ka denoncuar aktin vandal ku për pasojë është copëtuar pllaka e sheshit “Demokracia” në Qytetin Studenti.
Berisha shkruan se “ky është një nga skandalet ku përgjegjës janë Policia e Shtetit dhe institucioni i Rezidencës Studentore për lejimin e akteve të tilla”.
Reagimi nga Sali Berisha:
“Një akt vandal!
Aktivisti Aurel Kujtimi denoncon aktin vandal të heqjes dhe copëtimit të pllakatës së Sheshit historik “Demokracia” në Qytetin Studenti nga persona të porositur, por natyrisht të paidentifikuar ende.
Ky është një nga skandalet ku përgjegjës janë Policia e Shtetit dhe institucioni i Rezidencës Studentore për lejimin e akteve të tilla.
Sheshi “Demokracia” është një nga simbolet e demokracisë ku Azem Hajdari dhe studentët e Dhjetorit të 90 nisën revoltën e tyre kundër Regjimit monist, një vend që e përmbysi atë!
Dënoj me forcën më të madhe këtë shpërthim urrejtje ndaj studentëve liberator që sollën pluralizmin në Shqipëri”, shkruan Berisha teksa poston videon më poshtë:
