Saimir Korreshi, deputet i Partisë Demokratike ka komentuar deklaratën skandaloze të ish-ministres Olta Xhaçka e cila ka edhe statusin si “strategjike”, të fituar nga bashkëshorti i saj investitor.
Disa ditë më parë Xhaçka në një prej emisioneve televizive tha se bashkëshorti i saj Artan Gaci e donte statusin e investitorit strategjik që “dikush” të mos shkonte “nga mali dhe t’i vendoste çadrën para plazhit”.
Kjo deklaratë skandaloze e Xhaçkës ka shkaktuar shumë reagime, pak orë pasi ajo u mbrojt nga Edi Rama, duke mos lejuar që çështja e mandatit të saj të gjykohej në Kushtetuese.
Gazetari: A jeni ju pjesë e atij publiku që Olta nuk do që t’ia ngulni çadrën?
Saimir Korrreshi: Olta s’do që edhe bukë të hamë, me thënë të drejtën ashtu si sillet Olta, po të blesh parfume nga 3 – 4 mijë euro dhe të hash ne restorantete më të shtrenjta, normal që ne të tjerët ju dukemi për të kaluar radhën.
Gazetari: Kam një pyetje për zotin Korreshi në një vlerësim politik dhe për zotin Kosteri në një vlerësim ligjor. Ajo që është përpjekur që të bëjë që nga enjtja e deri sot zonja Xhaçka dhe i gjithë grupi i mazhorancës, është të na thonë që Olta s’ka bërë asnjë gabim, është çdo gjë në rregull. Nëse Goro dhe punonjës të kadastrës janë në burg për këtë ngastër toke, si ka mundësi që këtë janë të pafajshëm?
“E para njëherë, investitori strategjik merr komplet investimin nga shteti. Që do të thotë rrugët, kanalizimet, ndriçimin dhe të gjithë. Këto bëhen një kosto shtetërore dhe një investitor tjetër normal këto nuk i ka. Do të duhet që t’i bëjë vetë. E dyta është 3-përqindëshi që kanë investitorët strategjikë të tatim taksave që paguajnë. Dhe kjo është një element tjetër jo i ndershëm i konkurrencës. Sepse një investitor tjetër në kushte normale do të paguante 23 për qind e kusur. Pra këtu është diferenca. A përfiton drejtpërsëdrejti shtëpia se këtu është qëllimi. Patjetër që përfiton. Është burri, s’jam unë. Pjesa e dytë është më rëndësishme. Unë do të doja shumë që si zonja Xhaçka të kisha marrë edhe unë një tokë atje me 20 mijë lekë metri katror. Se me 20 mijë lekë të gjithë e kanë mundësinë që të marrin. Por është jashtë çdo sensi, pasi teje pa 250 – 300 mijë lekë metri katror nuk gjen ose do gjesh shkëmb. Sot kadastrat kanë që me 8 korrik të vitit të kaluar që janë bllokuar, kanë një qendër që nuk ke shans pa paguar që të kalosh ndonjë gjë edhe me të thjeshtë, një rifreskim. Jo me letrat e tyre që janë bërë brenda 4-5 ditëve. Dhe janë bërë shumë se këta e kanë treguar se e bëjnë edhe brenda gjysmë ore. A kë mundësi një njeri normal me i bërë këto procedura dhe me këto çmime e me u bë investitor strategjik në kaq pak kohë. Kaq i mjafton shtetit pra, prokurorisë për të deduktuara se çështja nga ana ligjore. Nga ana politike pastaj po të them këtë ligjërojnë veten e vet, hajt mo se e kam pasur burrin biznesmen. Ka një konflikt interesi këtu që është përtej çdo gjëje….Këta janë specialistë të hajdutërisë. Kaq e thjeshtë”, tha Korreshi per Syri tv.
