Një aksident ka ndodhur sot afër Xhamisë së Namasgjasë në rrugën e Elbasanit.
Siç shihet në videon e postuar nga JOQ, autobusi Green Line i Unazës në pronësi të Nadir Caushollit është futur me te kuqe në vizat e bardha dhe ka përplasur 2 persona.
Nga aksidenti kanë mbetur të lënduar 2 gra, ndërkohë që shkak është bërë mosrespektimi i rregullave të qarkullimit nga drejtuesi i urbanit. Kjo është e disata herë që urbanët në Tiranë përfshihen në aksidente të tilla.
- Precedent i përsëritur
Në 27 Shkurt, në zonën e njohur si “Shallvaret”, urbani i linjës së Unazës shkaktoi një aksident masiv, duke përplasur disa makina e duke shkaktuar një duzinë me persona të plagosur. Pamjet e marra nga një kamera sigurie treguan si autobusi me shpejtësi të pazakontë përplasi një mjet tip “Audi” e më tej u shkaktua një aksident zinxhir.
Aksidenti i Shkurtit i kompanisë së Nadir Caushollit u parapri nga një tjetër ngjarje me disa të plagosur. Në 22 prill 2022, Në 22 prill 2022, një autobus i shoqërisë “Green Line” doli nga rruga dhe përfundoi në skarpatet e lumit Lanë, së bashku me pasagjerët, në zonën e quajtur “Pallatet Agimi”, shumë pranë ish-Bllokut. Të paktën nëntë persona mbetën të lënduar, ndërsa çështja u pushua nga gjykata e Tiranës, pasi të dëmtuarit vendosën të tërhiqeshin nga ankimi.
