Presidenti i Interit, Steven Zhang, po negocion shitjen e klubit tek një anëtar i dinastisë sunduese saudite Al-Saud, e cila ka bazën e saj te Princi i Kurorës, Mohammed bin Salman.
Pra, nuk bëhet fjalë për fondin e zakonshëm dhe shumë të pasur Pif, por një blerës nga rrethi i familjes mbretërore të Riadit. Këtë lajm e jep “Corriere della Sera”, duke shpjeguar se negociatat drejtohen personalisht nga presidenti i Interit me ndihmën e bankave të investimeve “Goldman Sachs” dhe “Raine”, të cilave prej kohësh iu është besuar detyra për të punuar mbi riorganizimin financiar të klubit zikaltër.
E gjitha kjo, megjithatë, duke shpjeguar se burime të klubit thonë se takime ka pasur edhe në të kaluarën dhe të gjitha kanë mbetur të tilla. Me pak fjalë, le të flasim për të dhe pastaj do të shohim. “Lajmi, – shkruan “Corriere della Sera”, – ka gjetur shumë mbështetje, por për shkak të ndjeshmërisë së çështjes duhet trajtuar me ‘pak kripë’.
Mes negocimit dhe shitjes ka ende shumë distancë, por para së gjithash, pozicioni i “Oaktree”, me të cilin presidenti Zhang po përpiqet prej disa kohësh të gjejë zgjidhjen e duhur për një rifinancim të mundshëm të borxhit prej 250 milionë euro, plus 70 milionë interesa, që skadon më 20 maj”.
“Oaktree” mbetet thelbi i çështjes për disa arsye: para së gjithash, sepse e vendos Interin në garë me kohën, duke i dhënë Zhang domosdoshmërisht një diferencë të reduktuar, si ekonomike ashtu edhe kohore, për ta shfrytëzuar sa më shumë nga shitja e mundshme (Interi vlerësohet fare më pak se një miliard e 200 milionë).
Ja pra pse, me familjen mbretërore saudite tashmë dukshëm të interesuar për marrëveshjen, fondi amerikan mund ta gjejë të përshtatshme të zbatojë zotimin e Interit dhe të fillojë një diskutim të ri e më fitimprurës me arabët.
Në çdo rast, megjithatë, nëse interesi do të kthehej realisht në një transferim konkret të aksioneve, e ardhmja e Interit do të ishte në duart e arabëve, gjë që është lajm i mirë për tifozët e shumtë zikaltër.
