Deputetja dhe ish-ministrja e Jashtme, Olta Xhaçka, deklaroi se mandati i saj parlamentar është në dorën e kolegëve të saj socialist, të cilët do të votojnë gjatë ditës nëse do e dërgojnë çështjen e saj para Gjykatës Kushtetuese.
Duke mohuar që ajo të ketë përfituar në kundërshtim me ligjin statusin e “investitorit strategjik” (të përfituar nga bashkëshorti i saj, Artan Gaçi), Xhaçka deklaroi se i gjithë diskutimi është politik nga ata që “lëshojnë jargë”, duke iu referuar qartazi deputetëve të opozitës.
Xhaçka deklaroi se nuk ka pasur asnjë përfitim të paligjshëm dhe bashkëshorti i saj ka përfituar statusin special si “dhjetra e dhjetra të tjerë”.
Për Xhaçkën, Parlamenti nuk duhej të investohej aspak me këtë çështje, pasi Gjykata Kushtetuese e ka shqyrtuar dhe e ka pushuar më herët rastin.
Në fakt, Gjykata Kushtetuese ka vendosur të detyrojë Parlamentin që të respektojë detyrimet kushtetuese dhe të dërgojë rastin “Xhaçka” para saj dhe më tej, gjyqtarët kushtetues të vendosin nëse ajo ka shkelur parashikimet kushtetuese.
LEXO EDHE:
A do e lëshojë “Rilindja” Olta Xhaçkën? Raporti i PS, “as mish, as peshk”(dokumenti)
