Përtej propagandës së Erion Veliajt, Tirana çdo ditë dhe më shumë zhytet në një kaos të vërtetë për shkak të ndërtimeve pa kriter të kullave dhe infrastrukturës të shkatërruar pothuajse në çdo lagje të kryeqytetit.
Të shumta janë rrugët që çahen nga ndërmarja e ujsjellës-kanalizimi dhe më pas qytetarët dhe banorët kalojnë një kalvar vuajtjesh ku përdit duhet të ecin në baltë, ujë dhe rrugë të shkatërruar.
Në redaksinë e “Boldnews.al” kanë mbërritur disa pamje të rënda nga zona e Astirit ku siç mund të shihet është formuar një pellg i madh me ujë për shkak se kanë plasur tubacionet e ujit kurse bashkia e Lali Erit “fle” gjumë.
Kujtojmë që ditën e sotme shoqëria civile së bashku me opozitë protestuan përballë Bashkisë së Tiranës ku kërkuan dorëheqjen e kryebashkiakut Erion Veliaj pas aferës “5D”, ku disa prej drejtorëve të kësaj Bashkie kishin përfituar miliona euro tendera nga kjo bashki apo institucione vartëse të saj me kompaninë e tyre “5D Konstruksion”, që sipas SPAK, pronarët “de facto” të saj ishin Mariglen Qato dhe Redi Molla.
Veliaj është i detyruar të japë “llogari” dhe të sqarojë këshilltarët në këshillin bashkiak, se çfarë kishte ndodhur, se si kishin avulluar 30 milionë euro të taksave të qytetarëve nga buxheti te xhepat e të drejtorëve të emëruar prej tij.
Qytetarët ndihen të braktisur nga Bashkia e Tiranës dhe me pamjet më poshtë denoncojnë se si është katandisur zona e Astirit:
