Ish-kryeprokurorja e Tiranës, Elizabeta Imeraj ka komentuar marrjen në mbrojtje nga mazhoranca deputeten Olta Xhaçka, duke mos e çuar në Gjykatë Kushtetuese verifikimin e mandatit të saj.
Sipas Imerajt, qëndrimi i mazhorancës është koherent dhe i shprehur më parë. Sipas saj, problematika qëndron te Gjykata Kushtetuese që nuk ka bërë rolin e saj të interpretimit të çështjes me themel.
“Qëndrimi i mazhorancës, koherent, e ka shprehur dhe më përpara. Por problematika qëndron te vendimmarrja e GJK, nëse çështja është për t’u trajtuar në themel, të trajtohej dhe të mos lihej hapësira për interpretime procedurale. Për kaq periudhë të gjatë kohore, janë bërë interpretime politike dhe nga më të ndryshme, dhe ato që synohet nga organet e drejtësisë është t’i jepet një drejtim.
Nuk do të ishim sot këtë zanafillë të interpretimeve nëse Gjykata Kushtetuese do të kishte bërë rolin e saj duke interpretuar në themel. Gjykata në shkallë të tilla kanë detyrimin ligjor jo vetëm të vendosin por dhe të japin zgjidhje të vështira. Të mos fshihemi në sensin e procedurave teknike. Jo e bërë kjo nga GJK dhe GJL. Gjykata të japi vendim”, tha Imeraj në emisionin “Open”.
