Është shkarkuar nga detyra gjyqtari ekuadorian Diego Poma, i cili liroi nga burgu trafikantin shqiptar Dritan Rexhepi, që më pas u arrestua në Turqi.
Sipas mediave të huaja Rexhepi kishte depozituar një raport mjekësor ku pretendohej se vuante nga një sëmundja e rëndë dhe e pashërueshme. Kjo ka qenë arsyeja me të cilën gjyqtari ekuadorian e kishte liruar shqiptarin duke e lënë në arrest shtëpie, por më pas ky i fundit u arratis.
“Diego Poma, i cili shërbeu si gjyqtar i Garancive Penitenciare të Guayaquil, u shkarkua nga Këshilli Gjyqësor i Ekuadorit. Gjyqtari argumentoi se vuante nga lupus eritematoz sistematik, një sëmundje e pashërueshme dhe inflamatore në të cilën sistemi imunitar sulmon indet e veta dhe prek kyçet, lëkurën, veshkat, qelizat e gjakut, trurin, zemrën dhe mushkëritë.
Në vitin 2021, gjyqtari Poma pranoi kërkesën e Rexhepit dhe vendosi që e drejta e shqiptarit për shëndet të mbizotëronte mbi ndalimin e daljes nga burgu, pasi ai duhej të ekstradohej pas përfundimit të dënimit. Rexhepi nuk ishte vetëm subjekt i dënimit ekuadorian, por edhe i dy kërkesave për ekstradim nga Shqipëria dhe Italia.
Ekuadori kishte premtuar se do ta ekstradonte Rexhepin në Shqipëri kur të përfundonte vuajtjen e dënimit në vend, por ai u largua nga autoritetet. Më 10 nëntor 2022, trafikanti shqiptar i drogës ishte liruar nga burgu””,- theksohet në artikull.
