Grupi terrorist i Shtetit Islamik, ISIS-K, ka kërcënuar 4 stadiumet që do të presin ndeshjet çerekfinale të Ligës së Kampionëve.
Fondacioni Al Azaim, një media që është përgjegjëse për përhapjen e mesazheve nga Shteti Islamik, publikoi imazhin ku kërcënoheshin stadiumet Parc des Princes, në Paris, Santiago Bernabéu, në Madrid, Metropolitano, po në Madrid dhe stadiumi Emirateve në Londër.
Katër stadiumet evidentohen në mesazh si objektivat e radhës të grupit terrorist. Fortoja shoqërohet dhe me mbishkrimin: “Vritini të gjithë”.
Kërcënimi për goditjen e stadiumeve vjen pasi media e lidhur me ISIS-in “Sarh al-Khilafah” publikoi një imazh më 30 mars duke bërë thirrje për një sulm në Allianz Arena në Mynih, gjatë midis Bayern Munich dhe Borussia Dortmund.
Kujtojmë se sulmi i fundit nga ISIS-K ndodhi më 22 mars në një sallë të madhe koncertesh në Moskë, ku disa persona të armatosur, të veshur me uniforma kamuflazhi, vranë 143 të pranishëm dhe plagosën rreth 200 të tjerë.
