Kreu i PD-së, Sali Berisha ka deklaruar se “klani” i kryeministrit Edi Rama ka frikë dhe tmerr nga faktet dhe dëshmia e tij në komisionin hetimor parlamentar për ndërhyrjen në sistemin TIMS.
Përmes një postimi në rrjetet sociale, Berisha ka publikuar me video momentin kur kundërshtohet nga socialistët thirrja e tij për të dëshmuar në këtë komision.
Sipas Berishës, më 8 Prill, socialistët u tërhoqën me urdhër të kreut të qeverisë për thirrjen e tij si dëshmimtar, pasi mësuan se do paraqiste me dokumente zyrtare nga TIMS dhjetra udhëtime të Olsi Ramës me anëtarët e grupit të laboratorit të kokainës në Xibrakë.
Postimi i Berishës:
Frikë dhe tmerr i klanit Rama nga faktet dhe dëshmia ime!
Të dashur miq, pseudo-deputetët e partisë së krimit, pasi kishin kërkuar publikisht me datë 2 prill që të dëshmoja para Komisionit Hetimor Parlamentar për sistemin TIMS, me datën 8 prill, në nje akt vetëposhtërimi publik, tërhoqën me urdhër të Ramës kërkesën.
Kjo erdhi pasi Rama dhe Olsi u tmerruan kur mësuan se do paraqisja me dokumenta zyrtare nga TIMS dhjetra udhëtimet e Olsi Ramës me Genti Xhixhën, Ermal Hoxhën, Gentian Gjonajn me makinën e drogës me targë: AA653DM por dëshmia ime do të sillte dhe të dhena shkatarrimtare për 142 udhëtimet e Edi Ramës me “Ismailin” e tij dhe llojin e ngarkesave të transportuara në këto udhëtime.
Të tmerruar nga Sali Berisha për krimet që kanë kryer. Drejtësia vonon, por nuk harron. Klani Rama me i rrezikshmi klan mafioz në Europë do marrë atë që meriton.
