Një konflikt fizik mes disa adoleshentëve është regjistruar pasditen e kësaj të marte në ambientet e një berbehane, pranë qendrës së qytetit të Vlorës.
Burime bëjnë me dije se në sherr janë përfshirë disa adoleshentë dhe kanë mbetur të plagosur dy prej tyre të moshave 17 dhe 15 vjeç. Ata janë dërguar në spital dhe ndodhen jashtë rrezikut për jetën.
Për ngjarjen në fjalë, Policia e Vlorës ka shoqëruar në komisariat tre adoleshentë të përfshirë në sherr, teksa po heton për zbardhjen e plotë të ngjarjes.
