Parashikohej si një finale e parakohshme dhe ashtu ka qenë! Real Madrid dhe Manchester City kanë argëtuar të gjithë me një barazim spektakolar 3-3 në “Santiago Bernabeu”, përballja e tyre e parë në çerekfinalet e Ligës së Kampioneve të këtij edicioni.
Sfida filloi me një ritëm të çmendur pasi miqtë shënuan të parët me Bernardo SIlvan, por më pas u përmbysën nga ekipi i Ançelotit falë Kamavinga e Rodrigo, City kontrolloi topin dhe tentoi vazhdimisht të gjente rrjetën, ndërsa Reali kundërpërgjigjej me kundërsulme të shpejta.
Në pjesën e dytë, Guardiola ndërroi taktikë, duke shtyrë skuadrën e tij të gjuante nga distanca. Lëvizja ishte e duhura pasi Foden dhe Gvardiol përmbysën shifrat tani në favor të anglezëve.
Por një goditje fluturimthi spektakolare e Valverde vulosi barazimin 3-3 që rezistoi deri në mbyllje të sfidës, duke lënë gjithçka të hapur për duelin e kthimit.
Barazim 2-2 i Arsenalit me Bayernin në Londër. Saka ndezi festën në stadium në minutën e 12-të, me një goditje të bukur. Kampionët e Gjermanisë përfituan në maksimum nga një gabim i anglezëve në të 18-tën, duke barazuar shifrat me një ish si Gnabry.
Të besuarit e Tuchel fituan penallti dhe kthyen gjithçka në favor pas golit të Kane nga pika e bardhë e 11-metërshit. Bayern në pjesën e dytë provoi të menaxhonte rezultatin, duke u përpjekur që të shfrytëzojë pakujdesinë e Gooners në prapavijë.
Një top i Gabriel Jesus rezultoi si penallti në lëvizje për Trossard, i cili ia doli të dërgojë topin pas shpinës së Neuer në të 78-ten. Me këtë rezultat, kualifikimi mbetet i hapur për ndeshjen e kthimit.
