Janë luajtur ndeshjet e dyta çerekfinale të play off-it në volejboll për meshkuj, duke përcaktuar edhe Tiranën si gjysmëfinaliste. Ndërkohë që, Partizani dhe Erzeni janë kualifikuar më herët.
Për t’u mësuar ka mbetur edhe emri i ekipit të katërt, që do të dalë nga ndeshja e tretë play off mes Vllaznisë dhe Studentit. Të dyja ekipet kanë fituar nga një ndeshje në fazën çerekfinale.
Në ndeshjen e dytë luajtur në kryeqytet, ekipit i Studentit fitoi 3-1 (25-17, 25-12, 22-25, 25-16) ndaj Vllaznisë. Një ndeshje në përgjithësi e dominuar nga vendasit, që nuk përsëritën gabimet e sfidës së parë, ku u përmbysën 2-3 në Shkodër.
Ndërkohë, në Korçë, ekipi i Tiranës fitoi 3-0 ndeshjen e dytë çerekfinale ndaj Skënderbeut vendës (25-22, 25-19, 25-16), duke përsëritur rezultatin e sfidës së parë. Për pasojë, bardheblutë kualifikohen për në gjysmëfinalet play off.
Çerekfinale-Meshkuj
Nd.1, Tirana – Skënderbeu, 3-0
Nd.1, Vllaznia – Studenti, 3-2
Nd.2, Skënderbeu – Tirana, 0-3
Nd.2, Studenti – Vllaznia, 3-1
Nd.3, Vllaznia – Studenti
