Një sherr që ka degraduar në përplasje fizike ka ndodhur pak minuta më parë në qytetin e Lushnjes.
Pesë persona janë konfliktuar mes tyre për arsye ende të paqarta dhe sherri ka degjeneruar deri në përdorimin e armëve të forta. Mësohet se si pasojë ka mbetur i plagosur me thikë njëri prej tyre i cili është nisur drejt spitalit për ndihmë mjekësore, ndërsa dy persona të përfshirë në sherr janë shoqëruar në polici për veprime të mëtejshme.
Sakaq janë shpallur në kërkim dy të tjerë.
“Rreth orës 18:30 në qendër të fshatit Karbunarë, Lushnjë, si pasojë e një konflikti për motive të dobëta midis disa shtetasve të cilët janë konfliktuar me sende të forta dhe mjet prerës, ka mbetur i dëmtuar jashtë rrezikut për jetën shtetasi D. S., 29 vjeç, i cili pasi mori mjekim në spital është shoqëruar në Komisariatin e Policisë Lushnjë bashkë me 2 shtetas të tjerë të përfshirë në konflikt, konkretisht shtetasit A. H., dhe E. M., për sqarimin e rrethanave të këtij konflikti.
Shërbimet e Policisë po punojnë për kapjen e shtetasve J. S., dhe M. S., të cilët ishin gjithashtu pjesë e konfliktit ku mbeti i plagosur shtetasi D. S”, njoftoi policia.
Oficerët e Policisë Gjyqësore nën drejtimin e Prokurorisë, po punon për sqarimin e plotë të rrethanave të këtij rasti
