Një person është arrestuar nga Policia e Tiranë, pasi qarkullonte me armë zjarri pistoletë, në automjet.
Autoritetet raportojnë se në kuadër të operacionit të koduar “White” është vënë në pranga shtetasi F. T., 38 vjeç, banues në Tiranë.
“Gjatë operacionit, në rrugën “Frang Bardhi”, shërbimet e Forcës së Posaçme “Shqiponja” kanë lokalizuar dhe ndaluar automjetin me drejtues shtetasin F. T. dhe gjatë kontrollit në çantën e tij të dorës, kanë gjetur një armë zjarri pistoletë me krehër me municion luftarak, e cila u sekuestrua në cilësinë e provës materiale.” – thuhet në njoftimin e Policisë
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
