Fation Tulja është 38-vjeçari i cili u arrestua nga forcat “Shqiponja” në Tiranë, pasi iu gjet një armë zjarri në automjet.
Tulja u lokalizua në rrugën “Frang Bardhi” në kryeqytet dhe gjatë kontrollit në çantën e tij të dorës u gjet një pistoletë me krehër me municion luftarak, e cila u sekuestrua në cilësinë e provës materiale.
“Si rezultat i këtij operacioni u arrestua në flagrancë shtetasi F. T., 38 vjeç, banues në Tiranë. Gjatë operacionit, në rrugën “Frang Bardhi”, shërbimet e Forcës së Posaçme “Shqiponja” kanë lokalizuar dhe ndaluar automjetin me drejtues shtetasin F. T. dhe gjatë kontrollit në çantën e tij të dorës, kanë gjetur një armë zjarri pistoletë me krehër me municion luftarak, e cila u sekuestrua në cilësinë e provës materiale”, raportuan uniformat blu.
