Profesori i kriminologjisë, Ervin Karamuço, deklaroi në emisionin “3D” në RTSH se problemi sipas tij është se agjenturat ruse vazhdojnë dhe rekrutojnë edhe në vendin tonë dhe për të identifikuara ata është shumë e vështirë.
Sikurse e tha ai, ata nuk bëjnë pagesat për rekrutuesit si më parë nga institucione zyrtare por nëpërmjet palëve të treta, që janë bankat e nivelit të dytë apo me palë të treta. Karamuço deklaroi se në vendin tonë kemi 4 oligarkë rusë që investojnë nëpërmjet palëve të treta
“Se këta e kanë sofistikuar shumë mënyrën e pagesave për ti aktivizuar rekrutët e tyre. Nuk e bëjnë më si më parë nga institucionet e tyre zyrtare por e bëjnë nga palët e treta dhe nuk kuptohet fare. E bëjnë pagesën nga një bankë e nivelit të dytë. Ne kemi katër oligarkë rus këtu në Shqipëri që investojnë nëpërmjet palëve të treta” tha ai.
Karamuço tregoi në emision që sipas informacioneve që disponon, ata investojnë në bankat e nivelit të dytë, te bizneset energjetike apo dhe pasuri të paluajtshme.
“Ata kanë prona në bregdetin tonë deri në Sarandë dhe janë rus dhe ukrainas , jo nga ajo pjesë që është sot aleatja jonë” shtoi ai.
