Të tjera detaje kanë dalë në dritë në lidhje me plagosjen që ndodhi mbrëmë në aksin Shkodër-Velipojë, ku shënjestër ishte një 27-vjeçar. Ngjarja ndodhi në Urën e Gjo Lulit.
I plagosuri, Emiljano Paloka, ka marrë një plumb në pjesën e barkut, ndërsa ndodhet nën kujdesin e mjekëve, jashtë rrezikut për jetën.
Ai është plagosur teksa ka qenë brenda automjetit të tij, bashkë me 2 persona të tjerë. Kanë qenë këta persona që e kanë çuar në spital.
Deri më tani nuk dihen rrethanat se si ka ndodhur ngjarja, ndërsa policia po vijon hetimet.
