Një aksident ka ndodhur mbrëmjen e së premten në aksin rrugor “Lushnjë-Fier”. Një makinë tip “Ford”, ka aksidentuar për vdekje një këmbësor 85-vjeç.
Si pasojë, këtë të shtunë policia ka arrestuar në flagrancë drejtuesin e automjetit, shtetasin 55-vjeçar.
“Në vijim të informacioneve të dhëna mbrëmjen e djeshme, për një aksident të ndodhur në aksin rrugor “Lushnjë-Fier”, ku humbi jetën këmbësori, shtetasi H. S., 85 vjeç, ju informojmë se specialistët e Sektorit të Policisë Rrugore të DVP Fier arrestuan në flagrancë drejtuesin e automjetit që dyshohet se ka aksidentuar 85-vjeçarin, shtetasin A. F., 55 vjeç, banues në Fier”- njofton policia.
Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
