Një aksident automobilistik është regjistruar këtë të premte në afërsi të rrethrrotullimit të Kolonjës në rrugën Lushnjë-Fier.
Siç shihet dhe në foto, automjeti tip “Mercedes Benz” që udhëtonte nga Bubullima për në autostradë nuk ka mundur të hyjë në rrugë, por ka shkuar drejt dhe pasi ka çarë dy barrierat e hekurta që ndajnë autostradën ka përfunduar në kanalin anësor.
Drejtuesi i “Benzit”, i identifikuar si shtetasi me inicialet K.H., është transportuar me urgjencë drejt spitalit të Lushnjes ku ndodhet nën kujdesin e mjekëve.
Nga të dhënat paraprake dyshohet se drejtuesi i mjetit ishte me shpejtësi tepër të lartë dhe nuk ka kryer fare manovër frenuese por ka thyer dy barrierat e hekurta në autostradë.
Policia po punon për zbardhjen e plotë të rrethanave të aksidentit.
