Një punonjës policie është goditur me bidon plastik nga një tifoz pas ndeshjes Kastrioti – Elbasani në Krujë.
Efektivi ndodhej me shërbim jashtë perimetrit të sigurisë në momentin që është sulmuar, ndërsa më pas ka i bërë thirrje 30-vjeçarit për të ndaluar me veprimet e tij, por ky i fundit ka vazhduar me fjalë fyese.
Pas kësaj policia ka ndërhyrë për ta shoqëruar, por ka hasur rezistencën e tifozëve të tjerë. Në të tilla kushte kanë ndërhyrë edhe shërbimet e tjera të policisë të cilat e kanë shoqëruar në komisariat 30-vjeçarin.
Ndeshja Kastrioti-Elbasani e vlefshme për javën e 26-të të Kategorisë së Parë e luajtur në Krujë, u mbyll me rezultatin 2-2.
Njoftimi i policisë:
“Më datë 27.03.2024, pas përfundimit të ndeshjes Kastrioti-Elbasani, shtetasi A. B., 30 vjeç, ka gjuajtur një bidon plastik në drejtim të një punonjësi Policie, që ndodhej me shërbim jashtë perimetrit të stadiumit.
Punonjësi i Policisë i ka bërë thirrje për të ndaluar veprimet e tij, por shtetasi A. B., ka reaguar me fjalë fyese, dhe pasi punonjësi i Policisë ka ndërhyrë për ta shoqëruar, ka hasur në rezistencën e tifozëve të tjerë. Pas këtyre momenteve, kanë ndërhyrë shërbimet e tjera të Policisë të cilat kanë shoqëruar në komisariat shtetasin A. B., për sqarimin e mëtejshëm të rrethanave të ngjarjes.
