Pas Gjeorgjisë dhe Ukrainës, Polonia është skuadra e fundit që siguron pjesëmarrjen në Kampionatin Evropian “Euro 2024”.
Fatin e të kualifikuarit e vendosi “ruleta ruse” e 11-metërshave.
Koha e rregullt mbaroi me rezultatin “e bardhë, 0-0, pavarësisht rasteve të shumta, raste të cilat vazhduan edhe në kohën shtesë, por sërish rezultati mbeti i pandryshuar.
Nga pika e bardhë e penalltisë talenti i Leeds United, Daniel James nuk arriti ta përkthejë 11-metërshin e tij në gol, ndërsa Lewandowski, Szymanski, Frankowski, Zalewski e Piatek nuk gabuan duke arritur tirumfin historik.
Falë këtij rezultati, siç theksuam edhe më lart, Polonia bëhet ekipi i tretë, që siguron fazën e grupeve, falë fazës “play off”, teksa tashmë do të duhet të përballen me ekipe si Austria, Franca e Holanda, në grupin D ose në grupin “e ferrit”, të Kampionatit Evropian.
https://twitter.com/i/status/1772753504320332013
Vlen të theksohet fakti se Polonia, në eliminatoret e Europianit, ishte në grup me Shqipërinë dhe Çekinë, dy skuadrat e kualifikuara nga grupi.
