Anëtari i Kryesisë së PD-së, Belind Këlliçi, ka marrë pjesë në takimin e zhvilluar sot me demokratët në Kavajë.
Gjatë fjalës së tij, këlliçi, tha se ky qytet i dha mësimin e duhur bandës elektorale të drejtuar nga Edi Rama dhe Erion Veliaj. Më tej këlliçi theksoi se PD do t’i fitojë zgjedhjet e ardhshme parlamentare, pikërisht për të shpëtuar shqiptarët nga regjimi i bandave të Ramës.
“I kemi të freskëta në memorie kur Erion Veliaj vinte me bastardë, me kriminelë, por ju të gjithë mbrojtët votat, mbrojtët të ardhmen. Propozimi i parë është ai i rritjes së pensioneve brenda mandatit të parë qeverisës. Programi i PD-së ka në fokus qytetarin. E kuptoni se ç’kanë bërë me paratë tona? 130 mln euro janë dhënë për një incinerator fantazëm. Vetëm sot denoncuam që 1.6 mln euro janë dhënë për një agjensi udhëtimesh, për të prerë bileta udhëtimesh”, tha Këlliçi.
