Gazetarja Ola Xama e ftuar në emisionin “Të Paekspozuarit” në MCN u shpreh se toka për të cilën Jorgo Goro akuzohet për shpërdorim detyre, është një tokë truall dhe jo një tokë bujqësore. Sipas Xamës, ajo që Goro ka bërë është duke e njohur këtë tokë si bujqësore dhe duke ia kaluar për miratim qarkut të Vlorës.
Ndërkohë më tej Xama tha se Artan Gaçi bëri kërkesën për investitor strategjik për të marrë plazhin dhe në atë zonë janë vetëm dy parcela, ndërsa janë ndërtuar 5 resorte.
“Mesa kam lexuar, mua më është krijuar bindja që toka ka qenë e shtetit dhe në truall nuk ka patur as status bujqësorë. Stavri Mëhilli që ka gjetur këtë AMTP thotë e kam gjetur në shtëpi dhe ia ka lënë babai im. Kjo tokë që pretendohet që ka qenë tokë bujqësore ka qenë tokë truall. Në zonën e Himarës i është kërkuar bashkisë së Himarës për statusin e tokës. Pasi ka parë dokumentet prokuroria ka parë që kryetari i bashkisë së Himarës ka gënjyer që toka ka qenë bujqësore dhe e ka miratuar këtë dhe në qarkun e Vlorës. Kjo ngjarje është zhvilluar për 5500 metrave të para pastaj kemi dhe një parcelë me 5080 metra që është pretenduar që është tokë bujqësore, por edhe kjo tokë s’ka patur të njëjtin statusin dhe I është ndryshuar vendndodhja. Mënyra si ata e përfituan tokën dhe kompania e burrit të Olta Xhaçkës e ka blerë përpara se të merrte statusin strategjikë. Kjo i jep kompanisë të drejtën që të blejë tokë për 1 euro për metër katrorë kur toka është truall. Nëse ata kanë patur dikë të fuqishëm nga pas atë duhet ta vërtetojë drejtësia. Bindja e qytetarëve atje është që po nuk pate një të fortë atje nuk i merr dot”, tha Xama.
