Kukësi aktualisht po kalon një moment të mirë. Verilindorët ia kanë dalë të sigurojnë 3 fitore në 3 ndeshjet e fundit, ndërsa ndodhen edhe në gjysmëfinalen e Kupës së Shqipërisë.
Ulja në stol e Bledar Devollit duket se ka kthyer kukësianët në rrugën e duhur. Objektivi kryesorë do të jetë mbijetesa, me Kukësin që aktualisht është 6 pikë larg vendit të 8-të dhe të 7-të.
Skuadra ka pasur një performancë në rritje në ndeshjet e fundit dhe kjo ka gëzuar drejtuesit, të cilët duket se kanë hapur “thesin”. Premio për skuadrën verilindorët për rezultatet e fundit. Plot 10 mijë euro shpërblim nga drejtuesit.
Një mënyrë kjo për të motivuar akoma më shumë skuadrën për sfidat e mbetura, ku janë dhe 8 ndeshje drejt fundit. Kujtojmë se sfidën e radhës Kukësi do ta luajë ndaj Egnatian në transfertë më 29 mars në orën 15:00.
