Meteorologu nga “Metooalb” Hakil Osmani në një intervistë për “Ora News”, ka bërë parashikimin e motit për javën e fundit të muajit mars, ku shprehu se do të jetë një javë me mot të paqëndrueshëm:
“Mbetemi me mot të paqëndrueshëm, duke filluar nga dita e sotme deri ditën e mërkurë dhe të enjten. Sot vranësirat do të jenë të shpeshta, kemi mundësira për momente të pakta me pika shiu, në pjesët qëndrore dhe pjesërisht në zonat lindore. Kjo është një situatë e përkohshme. Pritet që të kemi përmirësim të kushteve të motit gjatë mbrëmjes së sotme.
Paraditja e ditës së shtunë do të jetë në dominimin e kthjellimeve kalimin e vranësirave. Bëhen disi të dukshme vransirat në pjesën e dytë të ditës në zonën jugore duke krijuar ultësira për rreshjet e izoluara me sasi të pakta. Dita e diel do të jetë në dominimin e vransirave të shpeshta që në orët e para të mëngjesit ku më të dukshme do të jenë në zonat veriore, ku do të ketë edhe rreshje shiu. Pritet që rreshjet e shiut të përfshijë gjithë territorin shqiptar në orët e pasdites. Si fillim do të përfshihen zonat veriore. Pritet që rreshjet herë pas here të jenë në formën e rrebeshjeve të izoluara në zonat veri-perëndimore. Do të vijojë moti i paqëndrueshëm edhe mëngjesin e ditës së hënë, duke bërë që të kemi vransira të shpeshta të cilat do të krijojnë mundësira për rreshje shiu. Pjesa e dytë e ditës sjell përmirësime të kushteve të motit.
Do të vijojë moti i qëndrueshëm me kthjellime dhe kalime vransirash deri në pjesën e parë të ditës së martë pastaj sërish kemi prezente vransirat, reshjet e shiut. Sinjalet janë që ditën e mërkurë të kemi reshjet më të dukshme në vendin tonë. Në një pjesë madhe të vendit të jenë reshje me intensitet deri në mesatare.
Dita e enjte sjell dobësimin e këtij sistemi duke bërë që të kemi reshje të pakta.
E premtja dhe fundjava sjellin përmirësimin e kushteve të motit duke bërë të kemi intervale me kthjellime. Kthjellimet do të jenë më të gjata në ultërsirën perëndimore ndërsa në zonat malore do të kemi kalime vransirash.”
