Një grua e moshuar është gjetur e pajetë në lumin e fshatit Mborje këtë të shtunë. L.Th., rreth 80 vjeçe, banuese në Korçë, ishte larguar nga banesa dhe familjarët nuk kishin informacion për vendndodhjen e saj. E moshuara, sipas bluve, vuante nga probleme të shëndetit mendor.
“Mëngjesin e sotëm, në lumin e fshatit Mborje, është gjetur pa jetë dhe pa shenja dhune shtetasja L. Th., rreth 80 vjeçe, banuese në Korçë. Nga deklarimet e marra familjarëve të saj, rezulton se kjo shtetase vuante nga probleme të shëndetit mendor dhe ishte larguar nga banesa, ditën e djeshme”, njoftoi policia.
Grupi hetimor po punon për përcaktimin e shkaqeve të vdekjes dhe sqarimin e rrethanave të ngjarjes, shtuan të njëjtat burime.
