Janë publikuar pamjet e rënda të sherrit të regjistruar mesditën e kësaj të premte në ambientet e një lavazhi dhe servisi në lagjen nr. 16 të qytetit të Korçës.
Siç shihet edhe në videon e mëposhtme, shtetasit Spartak Selima, Kristi Selima, Marsel Xhakollari dhe Erjon Guri me shkopinj bejsbolli në duar ndjekin me vrap 30-vjeçarin Ramadan Hasani.
Katër autorit e kapin 30-vjeçarin brenda servisit, i cili shtrihet në tokë dhe ata e godasin pa pushim me shkopinj në trup dhe kokë.
Ramadan Hasani mbeti i plagosur dhe u dërgua me urgjencë në spitalin e Korçës, ku ndodhet jashtë rrezikut për jetën. Autorët Spartak Selima, Kristi Selima, Marsel Xhakollari dhe Erjon Guri u larguan nga vendi i ngjarjes pas sherrit dhe shërbimet e Policisë të qyteit juglindor po punojnë për kapjen e tyre.
Sipas hetimeve të Policisë së Korçës, dyshohet se ky konflikt ka ndodhur pas një konflikti të mëparshëm të ndodhur më datë 14 shkurt, në Korçë. Atë ditë, mësohet se ka qenë Ramadan Hasani dhe vëllai i tij që kanë rrahur Spartak Selimën dhe më pas ditën e sotme Selima së bashku me një familjar dhe dy shokë kanë gjetur Ramadan Hasanin dhe e kanë sulmuar me leva hekuri dhe shkopinj.
Grupi hetimor po punon për sqarimin e plotë të rrethanave të ngjarjes dhe kapjen e autorëve.
