Kombëtarja shqiptare po përballet me Kilin në “Ennio Tardini” të Parmës, për herë të parë në histori kundër kombëtares latine.
Atmosferë elektrizuese në shkallët e stadiumit, me tifozët kuqezinj që janë në maxhorancë, duke bërë “ligjin”.
Emocione speciale edhe në momentin e ekzekutimit të himnit shqiptar, ku tifozët kuqezinj u ngritën në këmbë dhe të gjithë së bashku kënduan me dorën në zemër.
Edhe futbollistët dukeshin tepër të emocionuar në momentin e këndimit të himnit.
