Mbrëmja e sotme ishte e gjitha për t’u harruar për Kombëtaren shqiptare. Kuqezinjtë janë mposhtur me shifrat 0-3 nga Kili në “Enio Tardini” të Parmës.
Pas përfundimit të këtij takimi miqësor, protagonistët kanë dhënë përshtypjet e tyre të parë për mikrofonin e “Supersport”-it.
Rey Manaj deklaroi:
“Kemi 2 muaj kohë, të lemë pas euforinë e kualifikueseve. Në Europian do të ketë ekipe më të forta se Kili, duhet të punojmë dhe të lejmë gjërat e tjera anash. Sot nuk ishte ndeshja jonë, nuk u gjetën në fushë, kishin shumë distanca. Shyqyr Zotit që ishte vetëm një miqësore, duhet të përgatitemi akoma më mirë.
Tani unë duhet të fokusohem te Kombëtarja, jam shumë kërkues me veten, duhet ambientim, para 1 viti e gjysëm ishte ndryshe, tani ka më shumë profesionista. Kualifikimi në Europian nuk ishte vetëm fat, por shumë punë. Kemi një udhëtim shumë të rëndësishëm në Europian. Shpresoj që ndeshjen tjetër të kem mundësi të punoj”, u shpreh Manaj.
