Policia në Kosovë ka gjetur një vajzë të mitur e cila ishte denoncuar e zhdukur nga familjarët, më 16 mars.
Policia njofton përmes raportit se viktima ka deklaruar se gjatë atyre dy ditëve kishte qenë në shoqërimin e dy personave, të cilët dyshohet se e kanë përdhunuar.
“Më 16.03.2024 në stacionin policor, nga familjarët ishte raportuar si person e zhdukur viktima femër kosovare e mitur, ndërsa me datën 18.03.2024 sektori i hetimeve rajonale pas një pune intensive ka arritur që viktimën e mitur ta gjejë. Viktima ka deklaruar se gjatë atyre dy ditëve kishte qenë në shoqërim të dy personave, me të cilët kishte dyshohet se kishte kryer veprën e lart-cekur”, thotë policia në raport.
Njoftohet gjithashtu se janë identifikuar dhe arrestuar dy meshkuj kosovarë që dyshohet se kanë abuzuar seksualisht me të miturën dhe janë dërguar në paraburgim.
