Kryetari i Partisë së Lirisë, Ilir Meta deklaron se shpopullimi është i qëllimshëm në Shqipëri. Në një konferencë për mediat, ai tha se qeveria Rama po bën gjithçka për të larguar të rinjtë nga vendi duke u vrarë çdo shpresë.
Meta shton më tej se tashmë u verifikua se Shqipëria mbetet një ndër shtetet e palumtura në Europë dhe vendi më i palumtur në Rajon.
“Kosova edhe pse një shtet i ri, me një buxhet më të madh, rezulton të ketë shifra më të ulëta në raport me ne për largimet nga vendi. Kjo tregon politikat sociale që ka ndërmarrë qeveria atje. Shpopullimi te ne është i qëllimshëm. Qeveria po bën gjithçka që të largojë nga vendi të rinjtë, po vret shpresën dhe po krijon këtë shpopullim dramatik. U verifikua se Shqipëria mbetet një ndër shtetet e palumtura në Europë dhe vendi më i palumtur në Rajon.”, tha ai.
